Leiarar

Ein leiarartikkel er ein redaksjonell kommentar der ei avis eller ein annan publikasjon gir utrykk for synet sitt i ei eller fleire saker. Han blir skriven av redaktøren i mindre aviser, men i større aviser har ein gjerne fleire leiarskribentar. Som regel er artiklane usignerte og har ein fast plass i avisa, gjerne saman med øvrig kommentarstoff.

Tidlegare var dei fleste norske aviser knytt til politiske parti. Då kunne den same leiarartikkelen bli skrive frå partikontoret og verte trykt i alle avisene i nettverket. Sjølv om det framleis kan vere aviser knytt saman i eit konsern, er det ikkje lenger vanleg at leiarartiklane kjem frå eit hovudkontor.

Nokre aviser, særleg lokalaviser, har ikkje leiarartiklar kvar dag, men bruker dei når det er noko dei vil setje på dagsorden i lokalsamfunnet. Fleire aviser har fleire leiarartiklar, der den første gjerne er ein stor artikkel, medan den andre er mykje kortare. Store norske avisene, som Aftenposten og Dagbladet, har etter kvart fått ein slik andre leiarartikkel. I The Times og Dagens Næringsliv har det blitt tradisjon å lage ein morosam tredje leiarartikkel.