Om verb
Verb kan bøyast i eit presenssystem (presens, presens perfektum og presens futurum) eller i eit preteritumssystem (preteritum, preteritum perfektum og preteritum futurum). |
Viss du ser på teksten “Grønt hår” av Einar Økland, ser du at alle verba passar
i preteritumssystemet. Verb fortel oss noko om forholdet mellom handling
og tid. Dette kallar vi tempus i grammatikken. Presenssystemet og
preteritumssystemet er to ulike
tempus.
GRØNT HÅR
Det mjuke håret sitt var det Bodil lika best. Ho hadde ingen ting ho lika betre. Håret forandra seg alltid. Men det var alltid hos henne. Ho kunne kjenne det når ho vakna. Ho kunne kjenne det når ho hadde vore ute i vinden. Av og til var håret vått og tungt. Andre tider var det tørt og lett.
Håret kunne knitre og stikke henne i fingertuppen. Det kunne også vere seigt, og like trist som henne. Men så kunne det vere glatt og godt. Og håret kunne lage underlege svingar og krøller. Alt saman kunne ho kjenne med handa. Og med ansiktet. Ja, ho kjende det med heile seg. Slik hadde ho det.
Men Bodil kunne ikkje sjå håret sitt.
Bodil var blind og hadde alltid vore blind.
Nokre verb har ending i preteritum, andre har ikkje ending. Verb med ending i preteritum er svake, dei andre er sterke. Når vi skal finne ut kva som er ending, finn vi først stammen ved å ta bort endinga –e i infinitiv. Stammen av verbet kjenne er kjenn. Det som kjem etter kjenn, kallar vi ending.
A-verb kallar vi dei svake verba som får endinga -a i preteritum. Berre dei får -ar i presens! E-verb er alle dei andre svake verba!
Infinitiv |
forandre |
kjenne |
sjå |
Presens |
forandrar |
kjenner |
ser |
Preteritum |
forandra |
kjende |
såg |
Presens perfektum |
har forandra |
har kjent |
har sett |
Preteritum perfektum |
hadde forandra |
hadde kjent |
hadde sett |
Presens futurum |
skal forandre |
skal kjenne |
skal sjå |
Preteritum futurum |
skulle forandre |
skulle kjenne |
skulle sjå |
Reglar
- Svake verb får ending i preteritum!
- Berre verb som får endinga -a i preteritum, får -ar i presens!
- Sterke verb får inga ending!
Oppgåver Teksten “Grønt hår” er skriven i preteritumssystemet.
|
Les meir om verb på sidene til Norsk Nettskole.
Einar Økland har gjeve Nynorsksenteret og Norsk Nettskole løyve til å publisere desse teksteksempla.