Om pronomen

Pronomen er ei ordklasse som kan stå i staden for eit substantiv, det vil seie namnet på nokon eller noko.

Dette ser du i teksteksempelet “Grønt hår”: Pronomenet ho står i staden for namnet “Bodil”. Kva for eit pronomen kan stå i staden for substantivet “hår”?

Pronomen har éi form når det er subjekt i ei setning og ei anna form når det er objekt.

Eksempel på subjektsform:
“Ho hadde ingen ting ho lika betre.”

Ho er subjekt i setninga.

Eksempel på objektsform:
“Håret kunne knitre og stikke henne på fingertuppen.”

Henne er objekt i setninga.

	Eintal		Fleirtal
Person	Subjektsform	Objektsform	Subjektsform	Objektsform
1. person	eg	meg	vi	oss
2. person	du	deg	de	dykk
3. person	han ho	han henne	dei	dei

Oppgåver

Prøv å finne eksempel på ei førstepersonforteljing og ei tredjepersonsforteljing i teksteksempla på dei ulike sidene i bolken Kva er ein tekst?
Gjer alle pronomena i desse setningane om til fleirtal. Pass på at 1. person eintal blir til 1. person fleirtal osv.
- Eg har lyst til å besøkje deg i kveld.
- Du må ikkje stresse for min del.
- Eg kjenner ikkje han som bur ved sida av deg.

Les meir om pronomen på ressurssidene til Norsk Nettskole.